Dili, 13 Janeiru 2025 – Ekipa K-LINK no AD.SLB nomeia nu’udar kampeaun Liga Voleiból Timor-Leste 1.ª Divizaun – 5.ª Edisaun, eventu desportivu boot ida ne’ebé hetan apoiu husi MJDAK ho alokasaun USD 70.000. Inisiativa ne’e ho objetivu atu promove dezenvolvimentu kualidade joven atleta timoroan sira nian iha desportu, hodi prepara sira ba dezafiu sira iha futuru.
Iha jogu finál mane ne’ebé emosionante, ekipa K-LINK hatudu determinasaun no manán sira nia adversáriu AD.SLB ho skor apertadu 3-2, asegura títulu. Jogu desizivu ne’e hala’o iha Jináziu Desportu Dili (GDD).
Eventu ne’e hetan partisipasaun husi líder nasionál no figura importante sira, inklui: Sua Exelénsia Primeiru-Ministru, Kay Rala Xanana Gusmão, Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento,Inspetór Jerál F-FDTL, Cornelio Ximenes (Maunana),Komandante PNTL – Unidade Apoiu Servisu, Antoninho Mauluta,Prezidente Konfederasaun Desportu Timor Leste (CDTL), Macário Floriano Sanches,Prezidente Federasaun Voleiból Timor-Leste (FVTL), emprezáriu sira no bainaka sira seluk.
Iha torneiu feto, ekipa AD.SLB reafirma nia supremasia hodi halakon ekipa ASSALAM ho skor 3-1, hatudu preparasaun superior no kualidade tekniku.
Prémiu Mane nian
K-LINK: USD 8,000.00
AD.SLB: USD 6,000.00
JOLI TOMI: USD 4,000.00
ATONE AMBENO: USD 2,000.00
Prémiu Feto nian
AD.SLB: USD 8,000.00
ASSALAM: USD 6,000.00
JOLI TOMI: USD 4,000.00
ZONA MESAK: USD 2.000,00
Prémiu Individuál Mane nian
Jogadór di'ak liu: Deni P. Sitiawan (K-LINK) – USD 200.00
Spike di'ak liu: Salsabila Anugrah Dewa (AD.SLB) – USD 200.00
Toser di'ak liu: Editorio A. Sequeira (K-LINK) – USD 200.00
Divend di'ak liu: Batista (ATONE AMBENO) – USD 200.00
Prémiu Individuál Feto nian
Jogadór di'ak liu: Devi Melinda Novitasari (AD.SLB) – USD 200.00
Spike Di'ak liu: Maria Dwiningtyas (AD.SLB) – USD 200.00
Best Setter: Alderita da Silva (AD.SLB) – USD 200.00
Divend di'ak liu: Rina Alfianti Puri (ASSALAM) – USD 200.00
Liga Voleiból Timor-Leste liu fali kompetisaun desportiva ida; Nu’udar plataforma ida hodi valoriza joven sira-nia talentu no hametin unidade nasionál, promove Timor-Leste iha palku internasionál.
#MediaMjdak
