Dili, 28 Abril 2025; Komisaun Organizadóra ba eventos CMJD no XII Jogos Desportivos CPLP 2025 aprova ona medalla no taca ne’ebe sei fo ba vensedor sira iha XII Jogos Desportivos CPLP 2025 ne’ebe sei realiza hahu 17-27 Jullu 2025 iha Dili, Timor-Leste.

Iha inkontru teknika ne’ebe diriji husi Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento (NIS)hanesan mós Prezidenti Komisaun Organizadora no Kordenadór Jerál Eventos CMJD no XII Jogos Desportivos CPLP 2025 atual Sekretáriu Estadu Arte no Kultura (SEAK), Jorge Soares Cristovão hamutuk ho Diretór Jerál Desportu (DJD), João M. Rodrigues, Diretór Jerál Servisu Korporativus (DJSK), Isabel Adalziza Fatima Rodirigues Ferreira, no mós Diretór Jerál Arte no Kultura, Gil Paulino Oliveira, deskuti mos ekipamentu sira ne’ebe atleta sira sei uza durante Training Center (TC) to’o loron eventos ba jogos nian.

Ministru NIS iha inkontru ne’e husu ba seksaun hotu atu kontinua halo kordenasaun ba servisu hodi lori susesu ba eventus importante ne’e.

Inkontru ne’e mos hetan prezensa husi Xefi Gabineti MJDAK, Egas Barros Guteres Godinho, Xefi Gabineti SEAK, Francisco Tae-Mau, no Diretór Nasionál sira ne’ebe responsavel nudar koordenador iha komisaun organizadora.

#MediaMJDAK