DÍLI, 09 Juñu 2025 – Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento, partisipa iha reuniaun extraordinária Konsellu Administrasaun Fundu Infraestrutura (KAFI) nian, ne'ebé lidera husi Sua Exelénsia Ministru Planeamentu no Investimentu Estratéjiku, Eng. Gastão Francisco de Sousa. Reuniaun ne'e hala'o iha salaun enkontru AND.IP., Fatuhada, Díli, ho objetivu atu halo avaliasaun ba projetu infraestrutura sira.

Durante sorumutu, Ministru Nelyo Isaac Sarmento (NIS) rona informasaun kona-ba projetu infraestrutura desportiva sira, hanesan estádiu no kampu futeból, ne'ebé sei implementa husi ajénsia internasionál sira.

Liután ne'e, Ministru MJDAK mós partilla progresu informasaun provizóriu ba membru KAFI, liuliu kona-ba atinjimentu servisu iha Estádiu Munisipál Díli, Jináziu Desportiva Díli (GDD), no kampu sira seluk ne'ebé sei uza ba selebrasaun XII Jogos CPLP 2025.

Reuniaun extraordinária refere, Ministru Juventude, Desportu, Arte no Kultura akompaña husi Sekretáriu Estadu Arte no Kultura, Diretora Jerál Servisu Korporativu MJDAK, Diretór Nasionál Patrimóniu Lojístika no Infraestrutura, inklui ekipa tékniku MJDAK nian.

#MídiaMJDAK