Díli, 09 Jullu 2025 – Konsellu Ministrus (KM) realiza reuniaun ordináriu iha Palásiu Governu, ne’ebé partisipa mós husi Ministru Juventude, Desportu, Arte no Kultura (MJDAK), Nelyo Isaac Sarmento. Iha oportunidade ida ne’e, KM aprova projetu Dekretu-Lei aprezenta husi Ministru Ensinu Superiór, Siénsia no Kultura, José Honório da Costa Pereira Jerónimo, kona-ba kriasaun Institutu Politékniku Timor-Leste (IPTL).

IPTL: Husi Institutu Lokal ba Instituisaun Nasionál

Institutu Politékniku Timor-Leste (IPTL) sei assume estatus hanesan institusaun ensinu superiór nasionál, atu kontinua misu Institutu Politékniku Betanu, ne’ebé atua tiha ona desde tinan 2017. Kriasaun ne’e garante kontinuidade legal no operasionalidade institusionál, tanba orgaun sira, rekursu umanu dosente no naun-dosente, no patrimóniu sei la muda.

IPTL sei sede permanente iha Betanu, maibé bele estende jestaun administrativu no akadémiku ba eskola superiór sira iha munisípiu seluk. Kondisaun sira preparadu ona atu facilita dezenvolvimentu no jestaun efisiente ba ensinu superiór tékniku iha nivel nasionál.

Além ne'e, institutu foun ne’e sei kontinua akreditasaun institusionál ba tinan lima husi Ajénsia Nasionál ba Avaliasaun no Akreditasaun Akadémika, I.P. (ANAAA), tuir Termos Diplomu Ministeriál n.º 11/2023, 19 Abríl. Tanba ne’e, la presiza implementa rejime instalasaun ka períodu tranzitóriu.

Reestrutura Administrasaun Indireta Estadu: Efisiénsia no Transparénsia

Parte importante seluk iha reuniaun ne’e mak aprova deliberasaun ba reestruturasaun administrasaun indireta Estadu. Medida ida ne’e ho fin objetivu fó prioridade ba:

• Aumenta efisiénsia no transparénsia jestaun públika
• Reduz redundánsia institusionál
• Hadi’a artikulasaun entre polítika públika no implementasaun nian

Deliberasaun ne’e estabelese prinsípiu orientadór ba reorganizasaun entidade públika sira ne’ebé iha autonomia administrativu no finanseiru. Reforma ne’e mós hatán ba nesesidade ba:

• Fusaun entidade sira ho funsaun hanesan
• Inkorporasaun institusaun balun ba estruktura ministériu setoriál
• Transformasaun institutu públiku sai parte husi administrasaun direta
• Extinsaun entidade ne’ebé la iha pertinénsia, ho transferénsia kompeténsia ba ministériu relevante

Kontéudu detaladu sei regulamenta liuhosi diploma governamentál sira ne’ebé elabora no submete ba Konsellu Ministrus ba aprovasaun iha tempu apropriadu.

#MídiaMJDAK