Díli, 29 Maiu 2025 – Ministériu Juventude, Desportu, Arte no Kultura (MJDAK), liideradu husi Sua Exelénsia Ministru Nelyo Isaac Sarmento, hasoru malu ho Embaxadór Foinsa’e Timor-Leste nian, Kay Olo, ho ekipa, atu diskute preparasaun foinsa’e sira iha Timor-Leste nudar lideransa potensial iha kontestu integrasaun ba ASEAN.

Enkontro ofisiál ne’e hala’o iha Salaun Magna MJDAK, Lecidere, Dili, no fó oportunidade ba troka ideia kona-ba formasaun, kapasita no orientasaun ba juventude Timoroan liuhusi programa Kay Olo – Prémiu Hakbiit Juventude ba Dezenvolvimentu.

Iha diskusaun nian, Ministru Nelyo Isaac Sarmento subliña “Formasaun kapasidade foinsa’e sira iha área edukasaun sivika, life skills no lideransa, importante tebes atu bele hadia preparasaun sira ba ASEAN. Governu nia kompromisu mak kontinua fó espasu ba jerasaun foun atu kontribui ba dezenvolvimentu nasionál.”

Ministru NIS mós agradese ba inisiativa Kay Olo no kontribuisaun ne’ebé  importante atu motiva no estimula vizuan juvenil liuhusi plataforma edukativu.

Partisipa iha hasoru malu ne’e mak Embaxadór Kay Olo ho ekipa nomos Asesor Prinsipal MJDAK Gil da Costa, ho esperansa katak kooperasaun MJDAK ho programa Kay Olo sei kontínua sustenta jerasaun lideransa jovem sira nudar reprezentante dignu ba Timor-Leste iha rejiaun CPLP no ASEAN.

#MídiaMJDAK