Dili; 17 Maiu 2025; Sua Exelensia Ministru Juventude Desportu Arte no Kultura (MJDAK), Nelyo Isaac Sarmento (NIS), loke ofisial ba eventu motorcross nian iha tinan 2025. Eventu ne’e realiza iha Dolok One, Cristu Rei, Dili Timor-Leste.
Diskursu husi sua exelensia Ministru Juventude Desportu Arte no Kultura (MJDAk), Nelyo Isaac Sarmento (NIS), molok loke ofisial eventu motorcross nian, dahuluk fo um minute silensiu ba falesimentu Amu Domingos Maubere, ne’ebe fila hikas ona ba aman maromak nia kaduan santo.
Entertantu Ministru NIS fo hanoin ba atleta motorcross nian katak ita iha atleta barak ne’ebe gosta ka hadomi modalidade ida ne’e, dala ruma lakon iha espasu ne’ebe sira hatudu konaba buat sira ne’ebe sira hadomi modalidade ida ne’e.
Tanba ne’e mak parte guvernu atraves MJDAK konkorda tebes prezidente federasaun motorkros Timor-Leste nia hanoin, tanba agora dadaun tenke hanoin didiak atu ita bele kolabora hamutuk hodi halo orariu ho atualmente no labele lakon talentu sira ne’ebe agora dadun iha ita nia oin ne’e.
Aliende ne’e mos ba Crosser sira hotu, durante ne’e imi iha talentu no gosta, mais espasu lolos maka imi espresa imi nia kapasidade mak ohin loron imi hatudu iha arena dolok one ne’e, ne’ebe lalika lakon tempu halai iha sidade laran, dala ruma imi halai iha sidade laran fo todan ba inan-aman no sir abele triste katak buat ruma akontese ba imi, tanba imi hili dalan seluk, dala ruma ita fo hanoin diak ba imi, mais ema seluk fo hanoin risku ba imi.
Iha fatin hanesan prezidenti Federassun Motocross Timor-Leste (FMCTL), Longinhos Monteiro hatete,  ohin FMCTL realiza eventu motorcross Ida ne’e atu reflete ba loron restaurasaun independensia ba dala XXIII nian, nomos eventu motorcross ne'e Laos realiza deit Iha fulan maiu nia laran deit, mais sei realiza tan Iha fulan Agustu no Novembru ba tinan Ida ne'e. Eventu Ida ne’e laos realiza hela deit iha nasional mais sei  realiza fali Iha munisipiu, parte Ida ne'e FMCTL mos Kordenadora fila fali ho prezidenti autoridade sira, maka hanesan munisipiu Lautem, Baucau nomos Covalima atu nune’e eventu ne’e realiza iha nivel nasional, tanba federasaun motorcross Timor-Leste iha hanoin ona atu realiza fali iha tinan oin, atu nune’e ita bele identifika  atleta ne'ebe kualifikadu hodi reprezenta Timor-Leste no kompete iha mundu motorcross ninian.
 Eventu motorcross ne’e mos partisipa husi nasaun vizinu sira hanesan Australia no Indonesia,
Klubu motorcross nasional tuir kategoria hamutuk 21 inklui Australia nain 2 no Indonesia 3

Ministerio Juventude Desportu Arte no Kultura (MJDAK), apoiu finanseiru ho total $ rihun 8000 ba FMCTL hodi realiza eventu internasional motorcross nian, durante loron rua, hahu loron 17 Maiu no final iha loron 18 Maiu tinan 2025.
Eventu ne’e partisipa masimu husi Ministru Justica, Sekretariu Estadu Koperativa, Membru Parlamentu Nasional, Prezidente Aportil, Prezidente RTTL.Ep inklui komunidade sira husi postu adminstativu kristu rei nian.
#MediaMjdak