DILI, 08 Janieiru 2025 - Komisaun Organizadora (KO) ba Jogos Desportivas CPLP 2025 ne'ebe lidera husi Sua Exelénsia Sekretariu Estadu Arte no Kultura (SEAK), Jorge S. Cristovão nu'udar Coordenador Geral dos Eventos da CMJD da CPLP 2025 e Secretário do Secretariado Técnico da Comissão Interministerial ho nia ekipa hahu identifika kampu desportivas sira ne'ebe sei uza durante jogos refere.
Kampu desportivas sira ne'ebe sei uza maka Estadiu Munisipiu Dili ne'ebe sei uza ba jogos futebol, atletismu no seremonia abertura ho enseramentu, Ginaziu Desportu Dili ba jogos Taekwondo, Karate, no Basquetebol 3x3, Kampu Tenis Liceu, no Kampu Volley Praia Lecidere.
CPLP tinan ida ne’e sei hetan partisipasaun másimu hosi Estadu-membru sira, ho delegasaun hanesan: Angola (partisipante 101), Brazil (101), Cabo Verde (101), Guiné-Bissau (61), Guiné Ekuatoriál (35), Mosambike ( 70), Portugál (101), São Tomé e Prínsipe (35), no Timor-Leste (101).
Eventu importante ida-ne’e hatudu Timor-Leste nia kompromisu atu haburas interkámbiu kulturál no atlétiku iha komunidade CPLP nia laran.
Jogos Desportiva CPLP ba dala XII ne'ebe sei realiza iha 17-27 Jullu 2025, iha Timor-Leste.
#MédiaMjdak
