Dili, 22 Janeiru 2025 – Ministériu Juventude, Desportu, Arte no Kultura (MJDAK), liu husi Diretór Jerál Desportu (DJD), João M. Rodrigues, hala’o enkontru importante ho Prezidenti Federasaun sira hodi diskute preparasaun ba Jogu Comunidade Países de Língua Portuguesa (CPLP). Atividade ne’e hala’o iha Salaun Magna MJDAK Lecidere, Dili, Timor-Leste.

Diretór Jerál Desportu, João M. Rodrigues, explica katak enkontru ne’e fó prioridade ba diskusaun kona-ba preparasaun no prosesu selesaun ba atleta sira ne’ebé sei partisipa iha jogu CPLP. “Ita nia preparasaun ba jogu CPLP importante tebes. Tanba ne’e, ohin ita hala’o enkontru ho Prezidenti Federasaun sira atu diskute kona-ba preparasaun jogu CPLP. Nune’e, ita nia abertura sei hahú iha loron 19 no sei envolve selesaun atleta sira, hodi ensera iha loron 26 fulan Fevereiru. Tanba tempu ita nia limitadu, ita tenki fó prioridade atu kompleta antes ekipa CPLP mai hodi haree ita nia preparasaun,” hatete DJD João M. Rodrigues.

Enkontru ne’e mos involve partisipasaun hosi vários lider federasaun esportivu, hanesan:

Presidente FFTL: Gabriel Da Costa

Presidente CPNTL: Mateus Lucas

Tezoreira Tenis Kampo: Mateus Ferreira

Sekretáriu Jerál FEKATIL: Nelson Da Cruz

Jestór FXTL: Joviano Salves Reis

Presidente Atletizmu: Arsenio X. Amaral

Vise-Presidente I CPNTL: Joãozinho Ferreira

Presidente FVTL: Inocencio A. Da Silva

Treinadór Interinu FFTL: Gaspar da Silva

Enkontru ne’e hamosu dalan no klaridade ba ekzekusaun atividades esportivas ne’ebé sei representa Timor-Leste iha nivel CPLP.

#MédiaMjdak