DETAILU NOTISIA


Guvernu Lansa Website Komnas PKI-TL hodi Promove Patrimoniu Kultural Imaterial Tais ba UNESCO

Pineapple

Dili, 30 Abril 2025 – Ministériu Juventude, Desportu, Arte no Kultura (MJDAK) ofisialmente lansa website Komisaun Nasionál ba Patrimóniu Kultural Imaterial Timor-Leste (KOMNAS PKI-TL) iha Salaun Delta Nova, Dili. Lansamentu ne’e parte husi serimónia enseramentu Semináriu Nasionál Sistema Sertifikasaun Tais ho tema: "Dalan ba Rekoñesimentu Tais Nu'udar Lista Representativu ba Patrimóniu Kultural Imaterial ho Umanidade".

 

Eventu lansamentu ne’e hetan partisipasaun husi reprezentante importante sira hosi governu, inklui MJDAK, Sekretaria Estadu Arte no Kultura (SEAK), Ministériu Komérsiu no Indústria (MCI), Ministériu Transportes no Komunikasaun (MTK), Sekretaria Estadu Igualdade (SEI), Komisaun Nasionál Timor-Leste ba UNESCO (KNTLU), no organizasaun sira hanesan Fundaun Alola, Timor Aid, no UN-Women.

 

Website KOMNAS PKI-TL sei funsiona nu’udar plataforma dijitál sentrál ida atu dokumenta, promove no fasilita asesu públiku ba informasaun detalladu kona-ba patrimóniu kultural imaterial Timor-Leste nian, liuliu kona-ba tais, lian, no prátika tradisionál sira seluk.

 

Ministru MJDAK, Sua Exelénsia Nelyo Isaac Sarmento, iha ninia diskursu hateten katak lansamentu website ne’e mak parte importante husi esforsu governu atu prezerva no promove patrimóniu kultural imaterial Timor-Leste nian, no sei kontribui signifikativamente ba kandidatura tais atu tama Lista Representativu ba Patrimóniu Kultural Imaterial ho Umanidade iha UNESCO.

 

Iha serimónia ne’e mós inklui lansamentu livru kona-ba patrimóniu kultural, distribuisaun sertifikadu apresiasaun ba instituisaun sira ne’ebé kontribui ba salvaguarda tais, no apresiasaun ba grupu soru tais sira husi munisípiu 12 inklui RAEOA.

 

Lansamentu Website KOMNAS PKI-TL reprezenta pasu importante ida iha dijitalizasaun no promosaun patrimóniu kultural imaterial Timor-Leste nian, no sei fasilita asesu ba partisipasaun komunidade iha esforsu prezervasaun no promosaun kultura nasionál.

 

Website Komanas PKI-TL bele asesu iha link https://timorlesteich.org/.

 

#MediaMJDAK

 

komentariu

MédiaMjdak
30 - 04 - 2025

IMAJEN SELUK

Eventu Nasional/Munisipiu

Eventu Nasional/Munisipiu

Nelyo Isaac Sarmento

Ministro MJDAC

MINISTÉRIO DA JUVENTUDE, DESPORTU, ARTE E CULTURA

Jorge Soares Cristovão

Sekrétario Estado

SECRÉTARIO ESTADO ARTE E CULTURA

Eventu Internasional

- LEJISLASAUN -

  • Orgánika Ministériu Juventude, Desportu, Arte no Kultura Download
  • Decreto Lei Komisaun Nacional do Desportu
        Decreto Lei No 60/2023 de 24 de Agusto Download
  • Resolução do Governo
        Politika Nasional ba Arte no Kultura Download