Díli, 06 Janeiru 2025 - Comité Paralympiku Nasionál Timor-Leste (CPNTL) organiza Festival Nasionál Desportu Paralympiku (FNDP) ho tema: “Dignifika Atleta Paralympiku Sira Nia Abilidade iha Festival Nasionál Desportu Paralympiku”. Atividade ne’e hala’o iha Jinaziu Desportu Díli (GDD).

Tuir Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento (NIS), hafoin abertura FNDP, hatete katak governu iha kompromisu atu fo apoiu ba atleta difisiénsia iha Timor-Leste. "Nonu governu iha interese tebes ho atleta difisiénsia ita fo oportunidade ba ema ne’ebé ho difisiénsia no gosta pratika desportu," hatete Ministru.

Ministru mós sublina katak Festival Desportu Paralympiku ne’e mak plataforma importante atu buka atleta foun, prepara no apoiu sira hodi bele reprezenta Timor-Leste iha jogu internasionál. Modalidade desportu difisiénsia sei kontinua promove no introduce ba ema ho difisiénsia, hodi bele aumenta sira nia kapasidade no rekonhe-simentu.

Ministru Nelyo Sarmento fó hanoin katak governu tenke garanta katak ema ho difisiénsia la mesak. Sira mak parte importante Timor-Leste, no rai ida ne’e pertense ba sira hotu. Ita tenke buka forma no kopera ho entidade relevante atu hetan apoiu ba sira, liu-liu iha área desportu.

Festival ne’e hetan partisipasaun husi atleta difisiénsia husi 10 munisípiu inklui RAEOA. Partisipantes mos inklui Prezidente CPNTL, Mateus Lucas, no funsionáriu sira seluk. Atividade ida ne’e la’ós de’it promove desportu, maibé mos hametin dignidade no kontribuisaun atleta difisiénsia ba nasaun.

#MédiaMjdak