DÍLI, 10 Juñu 2025 – Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento, tersa-feira ne'e simu audiénsia husi ekipa Litha Gallery, ne'ebé prepara hela atu partisipa iha eventu Model Show ida iha Jakarta, Indonézia.

Durante enkontru ne'e, Ministru Nelyo Isaac Sarmento (NIS) enkoraja nafatin ekipa model sira atu kompete ho didi'ak no espresa sira-nia talentu iha eventu refere. "Ha'u dezeja imi susesu iha eventu model ne'e, tanba atu aprende modeling la'ós fasil, ida-ne'e mai husi individu rasik nia profesionalizmu," Ministru afirma.

Iha biban ne'e, Sra. Litha, nu'udar reprezentante husi Litha Gallery, hato'o agradesimentu ba Ministériu Juventude, Desportu, Arte no Kultura (MJDAK) ba apoiu morál ne'ebé sira fó. Nia mós hateten katak mensajen husi Ministru, kona-ba kompete ho disiplina tuir regra ne'ebé iha, sai enkorajamentu boot ida ba ekipa.

#MídiaMJDAK