Dili, 15 Maiu 2025 — Ministru Juventude, Desportu, Arte no Kultura, Nelyo Isaac Sarmento, partisipa iha Konferénsia Internasionál Dili, ne’ebé hala’o iha salaun nobre Ministériu Negósiu Estranjeiru no Kooperasaun (MNEC), ho tema “Hasoru Dezafiu: Direitu Marítimu no Rezolusaun Litíjiu Marítimu”. Konferénsia ne’e loke ofisiál husi Sua Exelensia Prezidente Repúblika, Dr. José Ramos Horta.

Prezidente Horta hato’o agradesimentu ba Prezidente Tribunal Internasionál ba Lei Tasi (ITLOS), Tomas Heidar, ne’ebé vizita Timor-Leste atu aprezenta matéria kona-ba disputa maritima. Nia sublinha importânsia direitu internasionál no diálogo iha rezolusaun konflitu maritimu sira, hanesan iha rejiaun Oceania, inklui Timor-Leste ho nasaun sira seluk, hanesan Mauritanea no Maldives.

Konferénsia ida ne’e mos hetan partisipasaun husi lideransa nasionál, inklui Xefe Governu, Kay Rala Xanana Gusmão, Prezidente Parlamentu Nasionál, Prezidente Tribunal Rekursu, no Embaixador sira ne’ebé residensia iha Timor-Leste.

#MídiaMJDAK