Ministériu Juventude, Desportu, Arte no Kultura (MJDAK) hakarak Jovens, Atletas no Sosiedade Timorense ne’ebé Saúdavel, Siviku, Kreativu, iha Prestasaun, Kompetitivu, no Tane Ás Kultura Timorense.
MJDAK nu’udar departamentu governu nian ne’ebé responsavel ba dezeñu, ezekusaun, koordenasaun no avaliasaun ba politíka, ne’ebé define no aprova hosi Konsellu Ministru, ba área juventude, desportu, arte no kultura. MJDAK sei halo esforsus tuir mai hodi realiza vizaun MJDAK nian:
1. Halo polítika sira iha area juventude, desportu, no mós respetiva organizasaun, finansiamentu, ezekusaun no avaliasaun, promove ba integrasaun ho inisiativa sira iha edukasaun.
2. Promove atividade sira ne’ebe atu prátika desportu no edukasaun fízika en jerál, nune’e mós hanesan prátika desportiva ba alta kompetisaun hanesan fator ida iha dezenvolvimentu desportu no reprezentasaun nasaun iha kompetisaun internasional sira.
3. Asegura implementasaun ba kuadru legál no regula ba atividade sira ne’ebé relasiona ho desportu ne’ebé ho kompetisaun a’as.
4. Estabelese mekanizmu husi kolaborasaun ho organizasaun sira iha sosiedade sivil ne’ebé aktua iha aréa desportu.
5. Kria mekanizmu apoio finanseiru ba projetu sira prátika edukasaun fízika no desportu.
6. Estabelese mekanizmu kolaborasaun no koordenasaun ho orgaun sira seluk ba Governu ho tutela konaba aréa sira ne’ebé relasiona ho ámbitu iha implementasaun polítika nasional juventude no desportu.
7. Promove politíka inkluzaun ativu iha aréa juventude desportu, espesialmente liu husi medida edukasaun inkluziva no ba partisipasaun ho ema difisiénsia sira.
8. Asegura no promove igualdade jéneru ho ámbitu iha aréa sira-nian kompeténsia, iha koordenasaun ho entidade públiku relevante sira.
9. Planu no ezekuta sistema análize no monitorizasaun ho modu atu avalia rezultadu sira no mós impaktu politíka juventude no desportu.
10. Elabora politíka no mós regulamentu sira atu konserva, proteje, no prezerva ba patrimóniu istóriku kultural sira.
11. Propoin politíka atu defini no dezenvolve arte no kultura.
12. Promove kriasaun husi sentru kulturais ámbitu munisipal, hodi artikula ho administrasaun lokál no ho objetivu atu dezenvolve koezaun nasional.
13. Estabelese kooperasaun politíka no interkambiu kultural ho nasaun sira iha komunidade lian portuges (CPLP) no organizasaun kulturais sira husi nasaun sira iha rejiaun ida ne’e.
14. Dezenvolve programa sira, iha koordenasaun ho Ministeriu Edukasaun, atu introdús edukasaun artistika ba ensinu kultura iha Timor-Leste.
15. Promove industria kriativa sira no kriasaun artistika iha Timor-Leste no iha ninia aréa oioin.
16. Garantia prezervasaun adekuadu ba dokumentus ofisiál no istóriku sira iha razaun kompetensia.
17. Protege direitu relativu sira ba kriasaun artístika no literária.
MINISTÉRIO DA JUVENTUDE, DESPORTU, ARTE E CULTURA
SECRÉTARIO ESTADO ARTE E CULTURA
