MANATUTU,12 Novembru 2026, GKI---Autoridades Estadu RDTL no sosiedades sira, selebra Loron Nasional Juventude (LNJ) ba da-21 no Masakre Santa Crus 12 Novembru 1991 ba da-35, ho misa solene iha Igreja St. Antonia Manatutu.

Misa solene ne’e, preside husi Amo Parokia Igreja St. Antonia Manatutu, Pe. Fulgencio Gomes dos Santos no partisipa husi autoridades no sarani sira.

Partisipa mos parte Ministerio Juventude, Desporto Arte no Cultura (MJDAC), mak Diretor Jeral Juventude, Mario Tilman no funsionariu publiku sira. 

Hafoin misa solene,  estudantes,  funsioanarius publiku,  atutoridades Manatuto nian, Veteranus, Materestu, xefi gabinet MJDAC sira kontinua hala'o prosesaun ba simiteriu  Manatuto hodi butuk aifunan no sunu lilin.

Diretuer Jeral Juventude MJDAK, Mario Tilman  hato'o agradesimento ba komisaun organizadora ba entidade hotu husi orgaun soberania 4 ne’ebe  marka prezensa iha ne'e, Autoridade seguransa PNTL, F-FDTL, Autoridade Munisipio, Materesto, Veterano, kamadas registensia no mos estudante katak sakrefisio tinan 35 liu kotuk ho ita nia Maun Alin, Inan aman sira nia dedikasaun konsege harii Estadu RDTL.

Estadu Timor Leste rekonese hodi hodi hatur 12 Novembro sai loron Nasional ba joventude Sira, atu fo Hanoin ba joven Sira agora atu lemba hodi valoriza nafatin valor ne'ebe maka iha tempo ne'eba Sira komunga maske ho idadade nurak no liman mamuk ho hakilar hasoru Ema Nia kroat katak mate ka Moris ukun rasik an.

Mario husu ba foinsae sira ohin loron nia atu banati nafatin fo valor ba Eroi ho aman sira konsege sakrefika sira nia an hodi hatur estadu ida ne'e. Tanba ne’e, ita kontinua fo valor ba sira liu  aprende, esforsu an estuda oferese ita nia an oinsa atu dezenvolve Ita nia rai Ida ne'e hodi fo onra ba ba Eroi Sira.

Fatin hanesa, Amo Fulgencio konsidera,  loron nasional juventude no Masakre Santa Cruz 1991,  nudar loron Ida ne'ebe sai pontu determinante ba liberdade. Amo husu  ba joven sira hodi merese hakruuk ba joventude loriku aswain sira nia luta, tinan 35 liu ba kotuk.  

“Eroi Sira Nia Domin bot, Domin ba Sira Nia Rai doben Ida ne'e, Domin ba povu Mukit Ida ne'e, Domin ne'e maka motiva sira luta ba pas, Domin maka hamosu konsensia hodi see hirus matan ba inimigu sira hodi luta ba justisa. Ita merese duni hakruuk no louva ba eroi Sira nia prinsipiu sakrefika-an ba ukun rasik an Ida ne'e maka hotu Nia ksolok,"  Amo relembra. 

Konvida joven sira atu hari paz no instabilidafe dezenvolvimento sustentavel  dezenvolvimento ejiji ita fuan mos no responsavel ba servisu esperansa ba Moris. Dezenvolvimento infraestrutura iha Rai doben Timor responsavel iha IX governo Nia liman, dezenvolvimento umanu iha Ita ida-idak Nia liman, Ida ne'e maka Ita ida-idak Nia liberdade ba ukun rasik an.  #MediaMjdac#