Dili, 06 Novembru 2026, GIK---Leonito de Jesus no Nelia dos Santos eleitu nudar membru Parlamentu Foinsae Nian (PFN) ba periodu 2027-2029, hodi reprezenta foinsae Ema ho Difisente (EhD).

Antes eleitu, Leonito no Nelia kompete ho kandidatus nain 23 (feto nain 10 no mane 13), no ikus ekipa juri anunsia rezultadu selesaun katak Leonito no Nelia mak eleitu iha edifisiu Fundasaun Ahisaun rua Fatuhada, Dili, Timor-Leste.

Xefi Departementu Asosiativismu Juventude MJDAK, Juvenal de Araújo hamutuk ho Diretór Ezekutivu Asosiasaun Difisiénsia Timor-Leste (ADTL), Cesário da Silva realiza formasaun lideransa no selesaun joven ho difisiénsia ba reprezenta membru Parlamentu Foinsa’e Nian (PFN) periodu 2027-2029 ne’ebé liu husi eleisaun kandidatu selesionadu ho naran Leonito de Deus no Nelia dos Santos husi total kandidatu na’in 23 kompostu husi feto 10 no mane 13. Atividade ne’e realiza iha edifisiu Fundasaun Ahisaun rua Fatuhada Dili Timor-Leste.

Objetivu husi atividade ne’e mak oinsá ita bele hetan reprezentasaun husi maluk sira ho kondisaun espesial feto ida no mane ida hodi sai membru PFN periodu Daneen durante mandatu tinan tolu no mós partisipasaun maluk sira Ema ho Difisiensia la hetan diskriminasaun husi kualker atividade ne’ebé governu halo hodi promove inkluzaun sosáil iha Timor-Leste.

Diretór Ezekutivu ADTL Cesário da Silva esplika kandidatu sira ne’ebé mak atu kandidata aan tenki halo tuir krieteria ne’ebé iha katak idade hahú husi 12 to’o 16 tanba ne’e husu kandidatu sira tenki honestu atu bele hili reprezentante ne’ebé di’ak bele reprezenta Ema ho Difisiénsia durante periodu. Partisipa iha atividade ne’e mai husi APFTL no ADTL hamutuk 23 pesoas kompostu husi Munisipiu sira. Atividade ne’e realiza tanba hetan kooperasaun servisu hamutuk entre APFTL no ADTL ne’ebé hetan apoiu husi MJDAK ho totál orsamentu USD 1, 500 (Dolares Amerika Rihun Ida Atus Lima)  #MédiaMjdak